president.gov.by
Pra heta siońnia zajaviŭ Alaksandr Łukašenka na naradzie pa pytańniach raźvićcia dziaržaŭnych orhanaŭ sistemy nacyjanalnaj biaśpieki.
Łukašenka padkreśliŭ, što siońnia naśpieła nieabchodnaść kompleksna pahladzieć na sistemu nacyjanalnaj biaśpieki. U pryvatnaści, havorka idzie pra toje, nakolki efiektyŭna jana zmoža procidziejničać siońniašnim vyklikam. Niemałavažna taksama, nakolki, pieradusim, siłaviki hatovyja da roznych varyjantaŭ raźvićcia situacyi ŭ śviecie, ci zdolnyja jany realna sprahnazavać i papiaredzić nastup mahčymych niehatyŭnych nastupstvaŭ, akreśliŭ koła pytańniaŭ kiraŭnik dziaržavy.
«Dla hetaha kožnamu viedamstvu nieabchodna nie tolki efiektyŭna vyrašać zadačy, ale i mieć hłyboka pradumanuju stratehiju svajoj dziejnaści», — skazaŭ Łukašenka. Adsiul patrabavańni da najaŭnaści kankretnych płanaŭ napramkaŭ dziejnaści taho ci inšaha viedamstva. Pa słovach Alaksandra Łukašenki, u pieršuju čarhu kiraŭniki pavinny bačyć hałoŭnyja napramki raźvićcia svajho viedamstva na bližejšuju i doŭhaterminovuju pierśpiektyvu.
Kiraŭnik dziaržavy taksama źviarnuŭ uvahu na taki aśpiekt, jak aptymizacyja sił i srodkaŭ, jakija zadziejničany ŭ krainie dla zabieśpiačeńnia dziejnaści siłavych struktur.
«My nie takija bahatyja, kab utrymlivać lišniuju kolkaść siłavych struktur. U toj ža čas i spraščenstvam zajmacca nielha. U advarotnym vypadku možna daskaračacca da taho, što ŭ nas sistema budzie, ale jana apyniecca niepracazdolnaj», — pieraściaroh Alaksandr Łukašenka.
Źviartajučysia da ŭdzielnikaŭ narady, Alaksandr Łukašenka adznačyŭ, što jamu chaciełasia b, kab kožny pahladzieŭ na svajo viedamstva śviežym pohladam. Rašeńnie zadač, što stajać pierad im, nieabchodna ažyćciaŭlać ź mienšymi finansavymi vydatkami, ale jakaść pavinna ŭzraści, zapatrabavaŭ Alaksandr Łukašenka. «Treba pazbavicca ad lišnich, časam nadumanych funkcyj, u tym liku kantrolnych, vyklučyć niepatrebnaje dublavańnie pracy viedamstvaŭ», — pradoŭžyŭ jon.
Alaksandr Łukašenka ličyć niedapuščalnym, «kali kantralory chodziać pa pradpryjemstvach adzin za adnym zamiest akazańnia realnaj dapamohi ekanomicy, stvarajuć dadatkovyja ciažkaści».
Alaksandr Łukašenka adznačyŭ, što skarhaŭ na hety kont zvyšdastatkova, u bolšaści svajoj jany nieabhruntavanyja, ale jość i abhruntavanyja. «I kantralavać, i praviarać pradpryjemstva luboj formy ŭłasnaści, kali jany parušajuć zakon, my budziem, ale iści tudy treba, majučy na rukach peŭnyja materyjały, - skazaŭ kiraŭnik dziaržavy. — Pravierki ažyćciaŭlać treba vyklučna tady, kali na rukach abjektyŭny apieratyŭny materyjał. Na heta ja budu źviartać asablivuju ŭvahu.
I kryj boža, kali vy zojmieciesia niejkim pradpryjemstvam i pojdziecie adtul z pustymi rukami».
Jon adznačyŭ, što chacieŭ by zrazumieć, ci hatovyja prysutnyja na naradzie słužbovyja asoby kiravać viedamstvami, efiektyŭna ich raźvivać va ŭmovach abstanoŭki, što dynamična źmianiajecca.
«Pa vynikach narady my pavinny dakładna vyznačycca z kirunkami dalejšaha raźvićcia pravaachoŭnaj sistemy krainy, skarektavać zadačy jak u cełym dla siłavoha błoka, tak i kožnaha orhana sistemy harantavańnia nacyjanalnaj biaśpieki», — skazaŭ kiraŭnik dziaržavy.
