U Biełarusi — čarha na ŭsynaŭleńnie dziaciej da troch hadoŭ, paviedamiŭ namieśnik ministra adukacyi Viktar Jakžyk.
Pavodle jaho słoŭ, usynavicieli addajuć pieravahu dzieciam da troch hadoŭ, adnak takich dziaciej mienš, čym achvotnych ich usynavić.
«My nie možam zadavolić žadańnie ludziej usynaŭlać dziaciej da troch hadoŭ, — skazaŭ Jakžyk. — My možam havaryć pra čarhu ci konkurs siarod baćkoŭ, ale heta nie prablema».
Minadukacyi płanuje prapanavać raspracavać miždziaržaŭny dahavor z Rasijskaj Fiederacyjaj, jaki b dazvoliŭ hramadzianam Biełarusi ŭsynaŭlać dziaciej da troch hadoŭ u Rasii.
Pavodle słoŭ namieśnika ministra, u Biełarusi ŭsynaŭlajuć 500—600 dziaciej štohod. Mahčyma, z pamianšeńniem dziciačaha nasielnictva sioleta kolkaść usynoŭlenych dziaciej budzie mienšaja, ale nie značna, skazaŭ Jakžyk.
Ciapier u biełaruskich siemjach žyvie prykładna siem tysiač usynoŭlenych dziaciej.
