Urad Ispanii padaŭ pazoŭ u Kanstytucyjny sud ab niezakonnaści rezalucyi katałonskaha parłamienta, jakaja zaćviardžaje pačatak pracesu nabyćcia niezaležnaści. Adpaviednaje rašeńnie ŭrad pryniaŭ na pazačarhovym pasiadžeńni.
Hienieralny dziaržaŭny advakat Marta Siłva dy Puerta ŭžo pradstaviła pazoŭ u Kanstytucyjnym sudzie. Pra jaho padaču aficyjna paviedamiać palitykam Katałonii, jakija majuć niepasrednaje dačynieńnie da pryniaćcia rezalucyi, u tym liku staršyni parłamienta aŭtanomnaj vobłaści Karme Farkadelu.
Hetym palitykam mohuć być vystaŭlenyja abvinavačańni ŭ nievykanańni zakona, što paciahnie za saboj vyzvaleńnie ad pasad.
Paśla pastupleńnia pazovu ŭrada ŭ KS, praces adździaleńnia Katałonii budzie prypynieny da tych časoŭ, pakul sudździa nie vyniesie vierdykt.
9 listapada parłamient ispanskaj aŭtanomnaj vobłaści Katałonija ŭchvaliŭ płan pa nabyćci niezaležnaści da 2017 hoda. U dakumiencie aficyjna ŭkazvajecca na «pačatak pracesu stvareńnia niezaležnaj dziaržavy Katałonija ŭ vyhladzie respubliki». Płan praduhledžvaje vychad sa składu Ispanii na praciahu 18 miesiacaŭ.
