Bolš za 90 vybuchaŭ zafiksavała Śpiecyjalnaja manitorynhavaja misija ABSIE na ŭskrajku Daniecka.
Pra heta havorycca ŭ spravazdačy Misii pa stanie na 19.30 10 listapada.
«SMM zapisała bolš za 90 vybuchaŭ i ŭspyšak ahniu strałkovaj zbroi na ŭskrajku Daniecka, u tym liku 82-mm minamiotaŭ», — havorycca ŭ paviedamleńni.
Akramia hetaha, Misija adznačaje atrymańnie piśmovych paviedamleńniaŭ ad Uzbrojenych sił Ukrainy i «DNR» ab zakančeńni advodu minamiotaŭ ad linii raźmiežavańnia.
Pry hetym, pa dadzienych ŭkrainskaj raźviedki, 11 listapada bajeviki «DNR» raźmiaścili ŭ s. Lasnoje ŭ rajonie Makiejeŭki reaktyŭnyja sistemy załpavaha ahniu BM-21 «Hrad» i samachodnyja artyleryjskija ŭstanoŭki.
Taksama pres-centr ATA paviedamiŭ, što bajeviki naroščvajuć svaje siły ŭ rajonie Daniecka.
«Vyjaŭlena pieramiaščeńnia da 10 tankaŭ, 10 BMP i 7 hruzavych aŭtamabilaŭ z horada Šachciorsk u Danieck. Pry hetym dla płanavańnia i kaardynacyi dziejnaści na zhadanym kirunku prybyła vysokapastaŭlenaja asoba z 12-ha kamandavańnia reziervu Paŭdniovaj vajennaj akruhi VS RF, jakaja dysłakujecca ŭ Rastovie-na-Donie», — adznačyli ŭ pres-centry.
Zhodna ź infarmacyjaj, 11 listapada ŭ zonie praviadzieńnia ATA bajeviki praciahvajuć eskałacyju kanfliktu.
