Navukoŭcy papiaredžvajuć, što adzin z najbujniejšych ledavikoŭ ŭ Hrenłandyi, jaki źmiaščaje dastatkova lodu, kab pavysić uzrovień suśvietnaha akijana na 50 santymietraŭ, rastaje ŭsio chutčej.
Pa słovach daśledčykaŭ, častka lednika Zachariae Isstrom, jaki źjaŭlajecca častkaj Hrenłandskaha ledzianoha ščyta, adkałołasia i ŭ ciapierašni čas rastaje z-za pavyšeńnia tempieratury pavietra i ciopłych marskich płyniaŭ.
Novyja ajśbierhi adkołvajucca, dadajučy piać miljardaŭ ton vady ŭ Atłantyku kožny hod.
U inšych rehijonach Hrenłandyi taksama adznačajucca maštabnyja straty lodu. Kali ŭ Hrenłandyi rastanie ŭvieś lod, heta pryviadzie da pavyšeńnia ŭzroŭniu suśvietnaha akijana na šeść mietraŭ, adznačaje «Rejter».
Bujny samit, dzie budzie abmiarkoŭvacca, jak abmiežavać źmianieńnie klimatu, adkryjecca ŭ Paryžy ŭ kancy miesiaca.
