Siońnia, 13 listapada, adbudziecca pachavańnie lidara baranavickaj demakratyčnaj supolnaści Viktara Syrycy. Jak paviedamiła ŭ sacyjalnaj sietcy «Fejsbuk» jaho dačka Viera Hałuška, raźvitańnie projdzie ŭ Baranavičach pa adrasie: Kamsamolskaja vulica, d. 28, kv. 65. Pachavańnie budzie na mohiłkach «Rusino».
Hramadski dziejač, historyk Viktar Syryca pamior 9 listapada va ŭzroście 62 hadoŭ. Jamu raptoŭna stała kiepska na pieronie Centralnaha vakzała. Na miesca prybyli lekary chutkaj, ale nie zmahli jaho vyratavać.
Viktar Syryca ačolvaŭ Baranavickuju radu Tavarystva biełaruskaj movy. Na niadaŭnich prezidenckich vybarach byŭ členam haradskoj vybarčaj kamisii i prahałasavaŭ suprać zaćviardžeńnia vynikovaha pratakoła, vykazaŭ asablivaje mierkavańnie.
Fota: Radyjo Svaboda
