U bresckim hateli «Buh» adkryŭsia numar Uładzimira Vysockaha. Tematyčnaje pamiaškańnie arhanizavanaje ŭ numary, dzie sama mieniej dvojčy ŭ siaredzinie 1970-ch hadoŭ spyniaŭsia słavuty saviecki akcior i bard.
Były luks na druhim paviersie ź vidam na haradski park — davoli ścipły pa ciapierašnich časach numar z dvuch pakojaŭ ahulnaj płoščaj 34 kvadratnyja mietry. Tut adnoŭlenaja abstanoŭka i atmaśfiera tych časoŭ: mebla, hadzińnik, radyjoła «Ryhonda», čorna-bieły televizar «Nioman» u pracoŭnym stanie. Zachavaŭsia dubovy parkiet, pa jakim chadziŭ Vysocki, dva adnaspalnyja łožki i tumbačka.
Numar aformili tematyčnymi fotašpalerami z vyjavami artysta i z cytatami ź jaho piesień, taksama tam jość DVD-prajhravalnik i prajektar z ekranam, na jakim u režymie non-stop možna «słuchać i bačyć» Vysockaha.
Hetaje pamiaškańnie buduć zdavać haściam, pryčym adpačynak u im abydziecca amal udvaja daražej za luksavy numar. Kali sutki ŭ luksie kaštujuć 950 tysiač rubloŭ, to za sutki ŭ numary Vysockaha voźmuć 1,5 miljona.
