Supracoŭnikami adździaleńnia pa narkakantroli i procidziejańni handlu ludźmi Partyzanskaha RUUS Minska zatrymany 27-hadovy minčanin, jaki pry zatrymańni prahłynuŭ psichatrop, što byŭ pry im.
Jak paviedamlaje HUUS Minharvykankama, u rasparadžeńni supracoŭnikaŭ milicyi źjaviłasia apieratyŭnaja infarmacyja ab tym, što mužčyna zajmajecca raspaŭsiudžvańniem narkotykaŭ. Za padazravanym było ŭstanoŭlena nazirańnie, a padčas sustrečy sa znajomym jon byŭ zatrymany. U momant zatrymańnia padazravany prahłynuŭ skrutak, što byŭ pry im.
Supracoŭniki milicyi dastavili mužčynu ŭ haradskuju kliničnuju balnicu. Paśla praviadzieńnia pracedury endaskapii sa straŭnika zatrymanaha dastali palimierny pakiecik, u jakim znachodziŭsia parašok biełaha koleru. U vyniku praviadzieńnia chimičnaj ekśpiertyzy było ŭstanoŭlena, što heta asabliva niebiaśpiečnaje psichatropnaje rečyva alfa-PVP.
Zatrymany raniej užo byŭ nieadnarazova sudzimy za majomasnyja złačynstvy. Ciapier u dačynieńni da jaho Partyzanskim RASK Minska raspačata kryminalnaja sprava na padstavie č. 1 art. 328 KK (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ).
