president.gov.by
Łukašenka adznačyŭ, što jon znajomy z prapanovami MVF pa pierśpiektyvach adnosin ź Biełaruśsiu i pa asnoŭnych momantach budučaj prahramy. «Pavinien skazać, što ŭ mianie nivodny punkt, jaki prapanujecca, nie vyklikaje nijakaha adrynańnia, nijakaj alerhii», — padkreśliŭ kiraŭnik dziaržavy. Pavodle jaho słoŭ, prapanovy fondu zasnavanyja na absalutna abjektyŭnych zakonach ekanomiki. «Formuła adna: atrymlivaješ pasłuhu — płaci za hetuju pasłuhu ŭ poŭnym abjomie. Niachaj heta budzie elektryčnaść, ciapło, transpartnaje absłuhoŭvańnie i hetak dalej», — skazaŭ jon.
Alaksandr Łukašenka adznačyŭ, što «pytańnie tolki ŭ adnym — u terminach».
«Nie dumaju, što ŭ nas budzie vielmi vialikaja raźbiežka ŭ razumieńni hetych terminaŭ i ŭ terminach naohuł, — vykazaŭ upeŭnienaść kiraŭnik dziaržavy. — My taksama naceleny na toje, kab prapanovy, jakija my vypracavali razam z vami, realizavalisia ŭ limitava karotkija terminy».
Kiraŭnik dziaržavy z zadavalnieńniem adznačyŭ, što Biełaruś i MVF vyrazna vykonvajuć damoŭlenaść pa prapracoŭcy prahramy, jakaja pavinna pasłužyć asnovaj supracoŭnictva. Łukašenka dadaŭ, što pamiataje vielmi dziejsnuju sustreču ŭ Ńju-Jorku z dyrektaram — rasparadčykam MVF Kryścin Łahard.
Jon pryznaŭsia, što paśla hetaj sustrečy jon inšymi vačyma pahladzieŭ na adnosiny Biełarusi ź Mižnarodnym valutnym fondam i na MVF naohuł.
U svaju čarhu Piter Dołman padziakavaŭ kiraŭniku Biełarusi za adkrytaść, jakuju jon prademanstravaŭ padčas sustrečy. Pa słovach kiraŭnika misii MVF, heta znak vielmi adkrytaha i praduktyŭnaha ŭzajemadziejańnia, jakoje ŭžo raźvivajecca pamiž MVF i Biełaruśsiu. Piter Dołman adznačyŭ, što ŭ MVF i biełaruskaha boku adny mety pa pabudovie efiektyŭnaj ekanomiki Biełarusi, jakaja budzie raźvivacca.
Łukašenka taksama skazaŭ, što padabajecca heta fondu ci nie, ale «my nie majem namieru łamać tuju schiemu sacyjalnaj dziaržavy, jakaja nami vypracavana».
«Sens u tym, što my nie možam kinuć nivodnaha dziciaci, nivodnaha staroha, invalida biez dapamohi našaha hramadstva, dziaržavy», — rastłumačyŭ jon.
Usie astatnija prapanovy fondu, jak adznačyŭ Alaksandr Łukašenka, absalutna realizujucca ŭ Biełarusi. «My hatovy ŭ hetym napramku praciahnuć pracu», — skazaŭ kiraŭnik dziaržavy i vykazaŭ pažadańnie, kab u vypadku dasiahnieńnia damoŭlenaściaŭ nie zaciahvalisia terminy. «U hetym sens sacyjalnaj dziaržavy. My nie možam ich prosta vykinuć na abočynu darohi, pa jakoj my idziem».
Usie astatnija prapanovy fondu, jak adznačyŭ Alaksandr Łukašenka, absalutna mohuć być realizavanyja ŭ Biełarusi.
***
Nahadajem, 9 listapada misija Mižnarodnaha valutnaha fondu na čale ź Piteram Dołmanam pačała pracu ŭ Biełarusi. Pa 19 listapada ekśpierty Fondu buduć aceńvać hatoŭnaść biełaruskich uładaŭ refarmavać ekanomiku.
U vypadku stanoŭčaj acenki Biełaruś moža raźličvać na finansavuju padtrymku MVF. Suma mahčymaj kredytnaj prahramy aceńvajecca ŭ 3 młrd dalaraŭ.
Jak raniej paviedamlałasia, MVF zajaŭlaŭ pra toje, što novy kredyt hatovy vydać Biełarusi tolki ŭ vypadku hatoŭnaści Minska ruchacca pa šlachu hłybokich reformaŭ, nakiravanych na pavyšeńnie efiektyŭnaści nacyjanalnaj ekanomiki. Uviesnu hetaha hoda biełaruski ŭrad pry padtrymcy Suśvietnaha banka padrychtavała i pieradało MVF tak zvanuju darožnuju kartu pa strukturnym refarmavańni ekanomiki. Havorka išła ab skaračeńni finansavańnia dziaržprahram, refarmavańni siektara dziaržpradpryjemstvaŭ, likvidacyi pierakryžavanaha subsidziravańnia, pavyšeńni taryfaŭ na transpart i žyllova-kamunalnyja pasłuhi.
MVF rekamiendavaŭ Minsku pravieści klučavyja reformy na praciahu 6—18 miesiacaŭ.
