Siońnia ŭ 14:20 u hałoŭnym korpusie BDU studenty vyviesili raściažku. Na joj studenty BDU vykazali salidarnaść sa studentami BDPU ŭ padtrymku admieny ŭviadzieńnia płatnych adpracovak.
«Heta akcyja pryśviečana Mižnarodnamu dniu studenta», — patłumačyŭ student BDU. Administracyja ŭniviersitetaŭ niehatyŭna stavicca da inicyjatyvaŭ studentaŭ, tamu jany vyličvajuć studentaŭ i prymušajuć vydalacca z supołki «Studenty suprać» pad pahrozaj adličeńnia.
«My chočam pryciahnuć uvahu administracyi ŭniviersitetaŭ. Kali jany nie buduć prysłuchoŭvacca da našaha mierkavańnia, to budzie tolki horš i heta kiepska paŭpłyvaje na vyšejšuju adukacyju ŭ našaj krainie».
Studenckaja supolnaść płanuje pašyracca i nadalej pryciahvać uvahu kiraŭnictva da roznych pytańniaŭ, bo nakont płatnych adpracovak jany adkaz tak i nie atrymali.
Nahadajem, što raniej studenty BDU sabrali 2500 podpisaŭ za admienu płatnych adpracovak na imia rektara BDU, ale Siarhiej Abłamiejka nijak nie adreahvaŭ na heta.
