Brat Sałacha Abdesłama, jakoha francuzskaje śledstva ličyć adnym z hałoŭnych padazravanych pa spravie ab napadach u Paryžy ŭ minułuju piatnicu, zaklikaŭ jaho zdacca.
Machamied Abdesłam skazaŭ u teleintervju, što ličyć taki krok samym razumnym dla svajho brata i vieryć, što heta dapamoža «pralić śviatło» na hetuju spravu. Jon nie ŭdakładniŭ, što mienavita pad hetym maje na ŭvazie.
Sam Machamied Abdesłam nieŭzabavie paśla paryžskich napadaŭ byŭ zatrymany palicyjaj Bielhii, dzie jon pražyvaje. U paniadziełak jaho adpuścili biez vystaŭleńnia abvinavačvańniaŭ. Jašče adzin jahony brat, Brachim Abdesłam, udzielničaŭ u napadzie na kancertnuju zału «Batakłan» i ździejśniŭ samapadryŭ.
Pa słovach advakata, Machamied Abdesłam ŭ ciapierašni čas choča zasiarodzicca na dapamozie siamji i zachavańni svajoj pracy, pakolki šmatlikija zhadki ŭ ŚMI pastavili pad pytańnie jaho mahčymaść praciahvać žyć jak raniej.
