Ministr finansaŭ Vialikabrytanii Džordž Osbarn zajaviŭ, što bajeviki «Isłamskaj dziaržavy» nazapašvajuć resursy dla naniasieńnia śmiarotnych kibierudaraŭ pa žyćciova važnych infrastrukturnych abjektach u Vialikabrytanii — takim jak avijadyśpietčarskija słužby i balnicy.
U suviazi z hetym ministr pryniaŭ rašeńnie da 2020 hoda padvoić finansavańnie słužbaŭ, jakija zmahajucca z kibierzłačynstvami, i davieści jaho da 1,9 młrd funtaŭ sterlinhaŭ (kala. 3 młrd dołaraŭ).
Osbarn skazaŭ taksama, što Centr uradavaj suviazi GCHQ (śpiecsłužba Vialikabrytanii) sistematyčna adsočvaje stupień pahrozy dla 450 klučavych abaronnych, enierhietyčnych i vodaraźmierkavalnych kampanij.
Na matčy pamiž zbornymi Anhlii i Francyi pa futbole, jaki projdzie ŭ aŭtorak na stadyjonie Uembli ŭ Łondanie, buduć zadziejničany ŭzmocnienyja palicejskija narady.
Pramova ministra finansaŭ była prymierkavana da zajavy hrupoŭki «Isłamskaja dziaržava», jakaja ŭziała na siabie adkaznaść za napady ŭ Paryžy ŭ minułuju piatnicu, u vyniku jakich zahinuła bolš za 130 čałaviek.
