Premjer-ministr Biełarusi Andrej Kabiakoŭ zapatrabavaŭ ad urada pryniaćcia apieratyŭnych i sistemnych mier dla adnaŭleńnia ekanamičnaha rostu. Ab hetym jon zajaviŭ siońnia na pašyranym pasiadžeńni Savieta Ministraŭ, na jakim razhladalisia vyniki sacyjalna-ekanamičnaha raźvićcia Biełarusi ŭ studzieni-vieraśni.
«Ad Savieta Ministraŭ patrabujecca pryniaćcie apieratyŭnych i sistemnych mier, kab pašyryć vuzkija miescy ŭ ekanamičnym raźvićci, nie parušajučy zbałansavanaści ekanomiki. Hałoŭnaj zadačaj urada i Nacyjanalnaha banka va ŭmovach niaŭstojlivaści i vysokaj niestabilnaści na suśvietnych rynkach było i jość zabieśpiačeńnie makraekanamičnaj ustojlivaści i zachavańnie nieabchodnaha ŭzroŭniu sacyjalnaj abarony nasielnictva», — adznačyŭ Andrej Kabiakoŭ.
Pavodle jaho słoŭ, kraina ŭ poŭnym abjomie i va ŭstanoŭlenyja terminy raźličvajecca pa valutnych daŭhach biez uronu dla mižnarodnych reziervovych aktyvaŭ. Na pahašeńnie asnoŭnaha doŭhu nakiroŭvajecca praficyt respublikanskaha biudžetu, jaki pa vynikach 9 miesiacaŭ skłaŭ Br16,4 trłn, abo 2,6 pracenta VUP.
«Valutny rynak stabilny, čysty prodaž valuty nasielnictvam i subjektami haspadarańnia z pačatku hoda — amal $350 młn. Zbałansavany źniešni handal. Pa salda handlu tavarami i pasłuhami majem lepšy rezultat za apošnija 15 hadoŭ — za 9 miesiacaŭ $1,2 młrd. Jak vynik, palepšyŭsia stan płaciežnaha bałansu krainy», — kanstatavaŭ premjer-ministr.
Andrej Kabiakoŭ adznačyŭ, što ŭ Biełarusi vykonvajucca ŭsie abaviazacielstvy biudžetu pa sacyjalnych vypłatach, pa dziaržaŭnaj padtrymcy realnaha siektara ekanomiki. Razam z tym pa vynikach studzienia-vieraśnia ekanamičnaha rostu nie adbyłosia. «VUP nižejšy za minuły hod na 3,7 pracenta za 9 miesiacaŭ, na 3,9 pracenta — za 10 miesiacaŭ. Abjomy pramysłovaj vytvorčaści apošnija try miesiacy stajać na ŭzroŭni 92,9 pracenta. Heta značyć pa pramysłovaści nie padajem, ale i nie raściom», — rastłumačyŭ kiraŭnik biełaruskaha ŭrada. Pavodle słoŭ premjer-ministra, najbolšaje źnižeńnie vytvorčaści pradukcyi dapuščana ŭ arhanizacyjach Minprama, Minbudarchitektury, kancernaŭ «Biellehpram», «Biellespapierapram», «Biełdziaržcharčpram». «Nie zabiaśpiečvajucca zajaŭlenyja paramietry raźvićcia APK. Usie rehijony pa paramietrach vyrablenaha VRP nie dasiahnuli ŭzroŭniu minułaha hoda. Najbolšaje adstavańnie skłałasia ŭ Minsku i Viciebskaj vobłaści», — kanstatavaŭ jon.
Kiraŭnik biełaruskaha ŭrada pastaviŭ zadaču zabiaśpiečyć adnaŭleńnie ekanamičnaha rostu, vykonvajučy try asnoŭnyja pryjarytety: nie naroščvać źniešni doŭh, maksimalna źnizić zaležnaść ad źniešnich faktaraŭ, zabiaśpiečyć ustojlivy zbałansavany rost biez raskručvańnia inflacyjnaj i devalvacyjnaj śpiralej. «Asnoŭnyja krynicy rostu na hetym etapie i pry takich umovach — ekspart i inviestycyi», — ličyć Andrej Kabiakoŭ.
