Banki nie abaviazany paznačać infarmacyju ab padachodnym padatku pa ŭkładach u rekłamie, paviedamiła siońnia ŭ čas anłajn-kanfierencyi na sajcie BIEŁTA načalnik hałoŭnaha ŭpraŭleńnia rehulavańnia bankaŭskich apieracyj Nacyjanalnaha banka Biełarusi Iłona Ladnickaja.
«U rekłamie i dahavory banki nie abaviazany paznačać infarmacyju ab padachodnym padatku, što ŭtrymlivajecca ŭ adpaviednaści z dekretam numar 7. Spahnańnie padachodnaha padatku zaležyć ad niekalkich faktaraŭ, jakija nie zaležać ad banka, tady jak u rekłamie paznačajucca kankretnyja fakty i ŭmovy pa prapanavanym pradukcie», — skazała kiraŭnik upraŭleńnia. Jana adznačyła, što dahavor bankaŭskaha ŭkładu źmiaščaje ŭmovy, jakija datyčacca bankaŭskaha ŭkładu.
U cełym pytańni padatkaabkładańnia rehulujucca adpaviednymi aktami biełaruskaha zakanadaŭstva. Adnak, pavodle słoŭ Iłony Ladnickaj, pry zaklučeńni dahavora banki infarmujuć układčykaŭ ab usich umovach raźmiaščeńnia hrašovych srodkaŭ va ŭkład, u tym liku pry jakich umovach dachody ad hetaha buduć padlahać padatkaabkładańniu.