Pasoł Siryi ŭ Rasii Ryjad Chadad zajaviŭ, što kala 10 tysiač bajevikoŭ, jakija vajujuć na baku «Isłamskaj dziaržavy», źjaŭlajucca vychadcami z krain SND.
Dypłamat zajaviŭ, što jany ŭjaŭlajuć pahrozu dla nacyjanalnaj biaśpieki Rasii.
Usiaho na terytoryi Siryi, pa acency Chadada, dziejničajuć da dźviuch tysiač roznych terarystyčnych abjadnańniaŭ. «Isłamskaja dziaržava» — samaja bujnaja ź ich.
«Kali vajenna-kaśmičnyja siły Rasii pačali svaje apieracyi, usie drobnyja terarystyčnyja hrupy adrazu abjadnalisia ź ID. Ciapier u składzie sił terarystaŭ kala dźviuch tysiač hrupovak», — zajaviŭ Chadad.
Jon taksama adznačyŭ pośpiechi naziemnaj apieracyi siryjskaj armii i pavietranych udaraŭ Rasii. Pavodle jaho słoŭ, terarysty sychodziać u bok miažy z Turcyjaj. Siryja pry hetym kaardynuje ŭsie svaje kroki z Rasijaj, zajaviŭ pasoł.
Papiarednija acenki kolkaści rasiejcaŭ i žycharoŭ SND, jakija vajujuć na baku ID, byli značna nižejhymi. Uładzimir Pucin 16 listapada zajaviŭ, što ŭ šerahach ID znachodziacca ad 5 da 7 tysiač vychadcaŭ z krain SND.
Pieršy namieśnik ministra ŭnutranych spraŭ Rasii Alaksandr Haravy na minułym tydni udakładniŭ u intervju «Interfaksu», što ŭłasna rasiejcaŭ siarod ich kala 2,5 tysiačy.
Kiraŭnik MUS Uładzimir Kałkolcaŭ u vieraśni kazaŭ pra 1,8 tysiačy rasiejcaŭ, jakija vajujuć za ID.
