Lider biełaruskaj apazicyi Alaksandr Milinkievič byŭ siońnia zatrymany supracoŭnikami AMAPu ŭ redakcyi niezaležnaj haziety "Biełarusy i rynak", dzie palityk davaŭ intervju. Amapaŭcy dastavili A.Milinkieviča ŭ Pieršamajski RUŬS Mienska. Tam, z ranicy nachodziacca paplečniki Milinkieviča, lider Partyi kamunistaŭ biełaruskaj Siarhiej Kalakin i kiraŭnik Partyi pracy Alaksandar Buchvostaŭ. Lideraŭ apazicyi vinavaciać u arhanizacyi "niesankcyjanavanaha mierapryjemstva".
Aryštavanamu ŭčora lideru Partyi BNF Vincuku Viačorku prysudzili 15 sutak.
❏
U Pieršamajskim rajonnym sudzie Miensku sudziać troch udzielnikaŭ akcyi Čarnobylski šlach - A.Milinkieviča, S.Kalakina i A.Buchvostava. Pakul što viadomy tolki adzin vyrak: adnamu ź lideraŭ prafsajuznaha ruchu A.Buchvostavu prysudzili 15 sutak administracyjnaha aryštu za ŭdzieł u niesankcyjanavanym mitynhu 26 krasavika. Astatnija sudy praciahvajucca.
Apazycyjanery ličać, što ich zatrymańnie jość sprobaj praduchilić majučuju adbycca akcyju 1 traŭnia suprać prymusovaj kantraktnaj systemy.
