U Turcyi aryštavanyja hałoŭny redaktar miascovaj haziety Cumhuriyet («Respublika») Džan Diundar i pradstaŭnik vydańnia ŭ Ankary Erdem Hiul za publikacyju źviestak pra tajemnyja pastaŭki tureckaj zbroi siryjskim paŭstancam.
Ab hetym piša tureckaje vydańnie Milliyet.
Žurnalistaŭ abvinavačvajuć u špijanažy i dapamozie «terarystyčnaj arhanizacyi» imama Fietchułacha Hiulena — u minułym klučavoha sajuźnika prezidenta Redžepa Taip Erdahana, a ciapier krytyka tureckich uładaŭ.
Hetyja abvinavačvańni zasnavanyja na publikacyi ŭ traŭni artykuła z fotazdymkami hruzavikoŭ, na jakich tureckija siłaviki nibyta pastaŭlajuć zbroju siryjskim paŭstancam.
Zdymki byli zroblenyja jašče ŭ studzieni 2014 hoda, i spačatku ŭłady krainy admaŭlali, što ŭ hruzavikach była zbroja. Paźniej prezident Erdahan ździŭlena adkazaŭ: «Jakaja roźnica, ci była tam zbroja?»