Śpikier Dziarždumy RF Siarhiej Naryškin zajaviŭ, što Rasija pakidaje za saboj prava na vajenny adkaz na dziejańni Turcyi, jakaja na hetym tydni źbiła rasiejski bambavik.
U intervju rumynskamu telekanału Didi24 Naryškin nazvaŭ toje, što zdaryłasia, naŭmysnym zabojstvam rasijskaha vajskoŭca, adznačyŭšy, što padobnyja dziejańni naležać da vajennych złačynstvaŭ, za jakija treba karać.
«My viedajem, chto heta zrabiŭ. Jany pavinny paŭstać pierad sudom. U svaju čarhu Rasija prymie miery ŭ adkaz u strohaj adpaviednaści ź mižnarodnym zakanadaŭstvam. Akramia taho, u Rasii jość prava na vajenny adkaz», — skazaŭ śpikier.
Naryškin nie staŭ udakładniać, jakoha rodu miery ŭ adkaz hatovaja pryniać Rasija i što kankretna jon maje na ŭvazie pad mahčymym vajennym adkazam. Pry hetym jon nahadaŭ, što Rasija ŭžo ŭzmacniła abaronu svaich vajennych samalotaŭ u niebie nad Siryjaj.
U pryvatnaści, pa słovach śpikiera, u Siryju ŭžo dastavili kompleksy supraćpavietranaj abarony S-400. Raniej ministerstva abarony paabiacała vyłučać bambavikam dla supravadžeńnia źniščalniki, a taksama prykryvać samaloty z rakietnaha krejsiera «Maskva».
