Premjer-ministr Rasii Dźmitryj Miadźviedzieŭ padpisaŭ pastanovu ab abmiežavańni dziaržaŭnych zakupak zamiežnych lekaŭ.
Zhodna z pastanovaj, apublikavanaj na sajcie ŭrada, zakazčyk pavinien adchilać usie prapanovy ab pastaŭcy lekaŭ z-za miažy pry ŭmovie, što było padadziena nie mienš za dźvie zajaŭki na pastaŭki z Rasii i krain-členaŭ Jeŭrazijskaha ekanamičnaj sajuza (u jaho ŭvachodziać Rasija, Biełaruś, Armienija, Kazachstan i Kyrhyzstan).
Kiraŭnik rasijskaha minhandlu Dzianis Manturaŭ zapeŭnivaje, što pastanova, jakaja ŭstupić u siłu praź siem dzion, dazvolić źnizić ceny na žyćciova važnyja preparaty.
Usiaho ŭ śpisie žyćciova važnych preparataŭ 608 najmieńniaŭ, ź ich 282 — heta tyja leki, pa jakich jość dva i bolš rasijskich vytvorcy, padkreśliŭ Manturaŭ.
U vieraśni Miadźviedzieŭ paabiacaŭ, što zamiežnyja lekavyja preparaty, jakija nie majuć rasiejskich anałahaŭ, nie trapiać pad zabaronu ŭ Rasii.
«Asnoŭnaja zadača — zabiaśpiečyć niejkuju lekavuju niezaležnaść, ale heta nie značyć, što my pavinny admovicca ad impartnych lekaŭ, barani boh, jość masa impartnych preparataŭ, jakija my impartavali i budziem impartavać, tamu što jany pieradavyja, tamu što niama anałahaŭ u našaj krainie», — tłumačyŭ premjer na sustrečy z aktyvam «Adzinaj Rasii».
