Prezident Maŭrytanii Machamied Uld Abdel Aziz daterminova spyniŭ matč za Supierkubak krainy pamiž kłubami Teŭrah-Zejna i Ksar.
maurifoot.net
Na 63-j chvilinie sustrečy pry liku 1:1 kiraŭnik dziaržavy, jaki prysutničaŭ na hulni, paličyŭ, što jana stała zanadta sumnaj, i zahadaŭ kamandam daterminova pačać sieryju pienalci. U vyniku pieramohu ŭ Supierkubku śviatkavali futbalisty Teŭrah-Zejny, paviedamlaje Lenta.ru sa spasyłkaj na Bleacher Report.
«My ŭsie šmat razoŭ bačyli nudnyja futbolnyja matčy i maryli, kab jany chutčej skončylisia, ale tolki niamnohija majuć mahčymaść niejak paŭpłyvać na heta», — tak Machamied Uld Abdel Aziz patłumačyŭ svajo rašeńnie.
Krynica adznačaje, što futbolnaja asacyjacyja krainy pasprabavała apraŭdacca i abvierhła ŭmiašańnie kiraŭnika dziaržavy ŭ chod hulni. Pa słovach spartyŭnych čynoŭnikaŭ, daterminovaje spynieńnie sustrečy było źviazana z «arhanizacyjnymi pytańniami», a rašeńnie prymałasia pry ŭdziele hałoŭnych trenieraŭ i prezidentaŭ abodvuch kłubaŭ.
