Raniej paviedamlałasia, što Ministerstva handlu ŭ bližejšy čas źvierniecca ŭ vykankamy dla praviadzieńnia invientaryzacyi rekłamy na asfalcie i likvidacyi abjavaŭ, jakija nie adpaviadajuć patrabavańniam dziejučaha zakanadaŭstva. Pra heta paviedamlała žurnalistam namieśnica ministra handlu Iryna Narkievič.
Ale jakim čynam budzie iści baraćba ź nielehalnymi markietynhavymi zaklikami na asfalcie, Minhandlu pakul nie tłumačyć.
NN znajšło ŭdały prykład takoj baraćby ŭ samym centry Minska. Kamunalniki, paśla ramontu kanalizacyi, prosta chaatyčna pierakłali plitku z rekłamnymi nadpisami. Heta moža stać udałym mietadam baraćby ź niezakonnaj rekłamaj.
Raźmiaščeńnie rekłamy ŭ Biełarusi dapuskajecca pry najaŭnaści dazvołu adpaviednaha vykankama. Taksama nieabchodna atrymańnie dazvołu (afarmleńnie pašparta) i ŭzhadnieńnie vonkavaj rekłamy ŭzdoŭž vulic i daroh.