U «Sovietskoj Biełoruśsii» i «Źviaździe» ni słova pra ŭčorašnija pieratrusy ŭ dziasiatkaŭ žurnalistaŭ i źbićcio ludziej 25 Sakavika. Ni dobraha, ni kiepskaha. «Usio maŭčyć, bo błahadzienstvuje», — jak pisaŭ ukrainski paet Taras Šaŭčenka.
26 sakavika «Sovietskaja Biełoruśsija» acaniła kolkaść pratestoŭcaŭ u stalicy ŭ «niekalki socień čałaviek». Nahadajem, što pavodle acenak infarmacyjnych ahienctvaŭ BiełaPAN (Biełaruś), RIA «Novosti» (Rasieja) i AR (ZŠA), karespandenty jakich prysutničali na miescy padziejaŭ, tolki ŭ mitynhu la Akademii navuk, kudy dabiracca pryjšłosia praz stroj specnazu, tym nia mienš, udzielničała kala troch tysiač čałaviek.
Pasłuchajem, što kažuć śviedki. Piša błohier lesnoi-slon (lesnoi-slon.livejournal.com), paśladoŭny krytyk jak apazycyi, tak i ŭładaŭ: «Nie vieŕtie, čto protiestujuŝich była para sotien. Ja obošieł Płoŝad́ Kołasa, a potom Pobiedy — jeje okružali tołpy takich, kak ja. No vsie podchody byli pieriekryty, tak čto vyjti na prośpiekt było nieriealno. Dumaju, jeśli by akcija była mirnoj, ona by sobrała do 10 tysiač».
Prapahandysckaja vertykal niepakoicca, što lubaja ŭzhadka pra «Biełsat», niepadkantrolnyja radyjo ci masavyja pratesty zdolnaja padšturchnuć ich čytačoŭ samim pravieryć, što heta za ŚMI, ci dałučycca da arhanizavanaj apazycyi.
Zatoje ŭ tym samym numary ad 26 sakavika «Sovietskaja Biełoruśsija» drukuje artykuł rasiejskaha radykalnaha nacyjanalista Duhina i chvałaśpieŭ novamu prezydentu Rasiei Miadźviedzievu.
