Jaŭhien [Vajciuk? Proźvišča hučyć nierazborliva — AJA] — 27-hadovy barysaviec, jaki na pačatku hoda razam ź siabram, taksama biełarusam, pajechaŭ praz Maskvu i Rastoŭ u Łuhansk, kab «zmahacca z fašystami».
Usio heta vynikaje z apublikavanaha ŭkrainskimi vajskoŭcami videa, dzie hołas za kadram dapytvaje ranienaha biełarusa.
«Dzie navučyŭsia stralać?» — pytajucca ŭ Jaŭhiena.
Toj pryznajecca, što słužyŭ u vajskovaj čaści 3214 (unutranyja vojski).
Taksama chłopiec kaža, što ŭ Biełarusi ŭ jaho zastalisia žonka i 6-hadovaje dzicio. Ale rodnyja, maŭlaŭ, nie viedajuć, što jon na vajnie.
«Moj siabra siońnia zahinuŭ», — kaža Jaŭhien pra los svajho pabracima i dadaje, što za «słužbu» im abiacali płacić $350 štomiesiac.