Sa studzienia 2016 hoda Biełaruskaja fiederacyja futboła pačnie vypusk hlancavaha časopisa «Bolšoj futboł», paviedamiŭ staršynia BFF Siarhiej Rumas 11 śniežnia ŭ Minsku na cyrymonii zakryćcia siezona-2015.
Pavodle jaho słoŭ, hledačy zmohuć nabyvać časopis pierad pačatkam matčaŭ.
Piłotny numar časopisa abjomam 64 staronki,iaki datavany listapadam hetaha hoda i nie maje vychadnych źviestak, atrymali ŭdzielniki cyrymonii. Na vokładcy fotazdymak paŭabaroncy barysaŭskaha BATE i nacyjanalnaj zbornaj Alaksandra Hleba, jaki daŭ vialikaje intervju. Pradstaŭnikam ŚMI, što aśviatlali cyrymoniju, vydańnie dla aznajomleńnia razdadzienaje nie było. Zamiest hetaha im było prapanavana zajści za časopisam u fiederacyju «ŭ paniadziełak» (14 śniežnia), a ŭ pakietach dla presy ź infarmacyjnych materyjałaŭ byli kniha «Biełaruski futboł» pra vyniki 2014 hoda i vypuščany jašče viasnoj daviednik čempijanatu-2015.
Niša hlancavych spartyŭnych časopisaŭ u krainie praktyčna nie zaniataja, adnak z-za nizkaha popytu, vialikich raschodaŭ na druk i vysokaha koštu vydańniaŭ prajekty ŭ hetym siehmiencie niedaŭhaviečnyja.
