Hurriyet
Kapitan tureckaha rybapramysłovaha sudna (siejniera) raspavioŭ pra zdareńnie z tureckim karablom, padčas jakoha rasijskaje sudna adkryła papieradžalny ahoń, kab paźbiehnuć sutyknieńnia. Pra heta ŭ niadzielu, 13 śniežnia, piša tureckaja hazieta Hurriyet.
Pa słovach kapitana siejniera, jakoha zavuć Muzafar, na karabli nie viedali, što nabližajucca da rasijskaha sudna. «My dumali, heta karabiel NATA», — dadaŭ Muzafar.
Taksama Muzafar paviedamiŭ, što na karabli nie čuli strełaŭ rasijskaha sudna.
Kapitan siejniera raspavioŭ, što jaho karabiel znachodziŭsia za dva kiłamietry ad rasijskaha. Zapisy z kamier, jakija znachodziacca na siejniery, byli pieradadzienyja dla ekśpiertyzy bierahavoj achovie.
Raniej u niadzielu rasijski karabiel «Śmietlivy» adkryŭ papieradžalny ahoń pa tureckim siejniery dla taho, kab paźbiehnuć sutyknieńnia. Pa dadzienych Minabarony Rasii, tureckaje sudna znachodziłasia na adlehłaści kiłamietra ad rasijskaha i nie adkazvała na radyjosuviaź i sihnały siemafora. «Śmietlivy» adkryŭ papieradžalny ahoń, kali siejnier nabliziŭsia da rasijskaha karabla na 600 mietraŭ.
U suviazi z hetym rasijskaje Ministerstva abarony vyklikała vajennaha ataše pry pasolstvie Turcyi ŭ Rasii.
Siejnier — adnapałubnaje rybapramysłovaje sudna, abstalavanaje nieratam — siejnaj.
