Dźvie maleńkija dziaŭčynki, 2012 i 2011 hadoŭ naradžeńnia, zahinuli ŭ Pružanskim rajonie (Bresckaja vobłaść) padčas pažaru ŭ minułuju subotu.
Jak paviedamlaje sajt MNS, infarmacyja pra pažar u vioscy Charava pastupiła 19 śniežnia ŭ 17.26 ad vidavočcy. Ratavalniki prybyli na miesca zdareńnia praz 10 chvilin, da hetaha času dvuchkvaterny dom užo hareŭ adkrytym połymiem. Z pałajučaj kvatery pažarnyja vynieśli dźviuch dziaŭčynak. Miarkujučy pa ŭsim, dzieci znachodzilisia doma sami, ich znajšli ŭ pakoi na łožku. Niahledziačy na reanimacyjnyja mierapryjemstvy, jakija miedyki pravodzili prosta na miescy zdareńnia, vyratavać dziaciej nie ŭdałosia.
Pavodle papiarednich dadzienych, maci na momant pažaru znachodziłasia ŭ susiedziaŭ sa starejšaj dačkoj. Žychary vioski raspaviali, što heta byŭ nie pieršy vypadak, kali dzieci zastavalisia biez nahladu.
Pryčyna pažaru vyśviatlajecca. Adna ź viersij — dziciačaje svavolstva z ahniom.