Respublikaniec Lindsi Hrem zajaviŭ, što nie stanie dalej zmahacca za prava być naminavanym u jakaści kandydata ŭ prezidenty ad svajoj partyi.
«Siońnia ja spyniaju svaju kampaniju za prezidencki post», — zajaviŭ sienatar ad štata Paŭdniovaja Karalina ŭ videazvarocie, raspaŭsiudžanym u YouTube. Pry hetym 60-hadovy palityk dadaŭ, što hanarycca hetaj kampanijaj, jakaja hałoŭnym pytańniem u jakoj stała biaśpieka ZŠA.
Pavodle acenak ekśpiertaŭ, sienatar paśpiachova zaviaršyŭ druhi raŭnd televizijnych debataŭ, adnak nie zrabiŭ naležnaha ŭražańnia na vybarščykaŭ, jak vynikaje z apytańniaŭ hramadskaha mierkavańnia.
Raniej užo chadzili razmovy pra toje, što Hrem moža vyjści z prezidenckaj honki.
Z sychodam Hrema ŭ respublikancaŭ zastajecca 12 čałaviek, jakija zmahajucca za prava stać kandydatam na prezidenckich vybarach.
Prajmieryz kandydataŭ ad kožnaj partyi pačnucca praz šeść tydniaŭ sa štata Ajova.
