S-300PS. Foto topwar.ru
Siońnia ŭ Minabarony paviedamili, što Biełaruś zakupiła i atrymała ad Rasii čatyry dyvizijony (48 puskavych ustanovak) zienitnych rakietnych kompleksaŭ S-300PS.
Navošta nam jany ŭ dadatak da tych, što ŭžo jość u najaŭnaści? Tłumačyć vajenny ekśpiert Alaksandr Alesin.
«Čatyry dyvizijony S-300PS my zakupili ŭ 2006—2007 hadach, i jašče čatyry — u pieryjad pamiž 2013 i 2015 hadami. Hetymi kompleksami miarkujecca zamianić našyja S-200. Jany choć i dobryja kompleksy, ale vajennaja daktryna źmianiłasia — kali S-200 raźličanyja na źbićcio bambardyroŭščykaŭ, to siońnia vidavočna — kali niejkaja ataka na nas i budzie, to prylaciać nie ciažkija samaloty, a kryłatyja rakiety i bieśpiłotniki. Tamu sučasnym patrabavańniam bolš adpaviadajuć S-300. Zrešty, pastaŭlajučy nam hetyja kompleksy, Maskva kłapocicca pierš za ŭsio pra siabie, bo Biełaruś dla ich jak ščyt, abo pieršaja linija abarony, jakaja musić praredzić atakujučych pierad tym, jak jany dalaciać da Rasii. Kaniešnie, našamu vajskovamu kiraŭnictvu chaciełasia b mieć nie S-300, a bolš mahutnyja S-400, ale Rasija nam ich nie pastaŭlaje, kažučy, što jany sami jašče całkam nie pieraabstalavali svaje vojski. Ale pry ŭsim hetym jany pradajuć S-400 u Kitaj i Indyju», — zaŭvažyŭ Alesin.
