Złačyncaŭ zatrymali pa haračych śladach.
Maładyja ludzi 1993-ha i 1995-ha hoda naradžeńnia razam z bolš starejšym (amal na dziesiać hadoŭ) pryjacielem nočču pranikli ŭ kabiniet nastajaciela, adkul vykrali dva miljony biełaruskich rubloŭ, šeśćdziesiat piać dalaraŭ ZŠA, padarunkavy nabor i manitor ad kamputara. Ale ž milicyjanty spracavali apieratyŭna, nieŭzabavie złačyncaŭ zatrymali.
Cikava, što padazravanyja zahadzia pradumali płan i padrychtavalisia da kradziažu. Starejšy z kryminalnaha trya da hetaha niekalki razoŭ prychodziŭ u kaścioł i prasiŭ miłaścinu, paralelna vyvučajučy, što i dzie možna ŭziać. Vyrašyli, što lepš za ŭsio «naviedać» kabiniet nastajaciela, kudy padazravanyja patrapili, pierapiłavaŭšy dužki naviasnych zamkoŭ. Ŭziali ŭsio, što ŭjaŭlała dla ich choć niejkuju kaštoŭnaść. Zaraz častka vykradzienaha kanfiskavana.
