U Samarskaj vobłaści pravodzicca pravierka pa fakcie śmierci 18-hadovaha Ułada Kaleśnikava, jaki staŭ šyroka viadomy ŭ sacsietkach svajoj padtrymkaj Ukrainy i zaklikami viarnuć Krym Ukrainie.
U tym liku śledstva praviaraje viersiju samahubstva, pra jakuju kažuć siabry Kaleśnikava i žurnalisty, jakija mieli znosiny ź im.
25 śniežnia Uład Kaleśnikaŭ, jaki skardziŭsia na ckavańnie z boku adnahodkaŭ z-za svaich palityčnych pohladaŭ, pryniaŭ śmiarotnuju dozu lekaŭ.
Śledčy kamitet Rasii pa Samarskaj vobłaści ŭ jakaści asnoŭnaj viersii nazyvaje atručeńnie psichatropnymi rečyvami i śpirtnymi napojami.
«25 śniežnia 2015 h. u viačerni čas, dvoje 18-hadovych žycharoŭ horada Žyhuloŭska raśpivali śpirtnyja napoi, a adzin ź ich užyŭ jašče psichatropnyja srodki i enierhietyčnyja napoi. Praź niekalki hadzin jamu stała drenna. Baćka, vyklikaŭ bryhadu chutkaj dapamohi, ale vyratavać junaka nie atrymałasia», - havorycca ŭ paviedamleńni viedamstva.
Druhi małady čałaviek vyžyŭ, udakładniajuć ŭ SKR. Pa fakcie śmierci Kaleśnikava pačata Daśledčaja pravierka, pryznačana sudova-miedycynskaje daśledavańnie.
«Pa papiarednich dadzienych śmierć maładoha čałavieka adbyłasia ŭ vyniku atručvańnia», — skazali ŭ SKR.
