Za minułyja sutki ŭ Biełarusi pry pažarach zahinuli 9 čałaviek, ź ich — 2 dziaciej. Čarhovaja trahiedyja adbyłasia ŭ vioscy Pokapaŭka Buda-Kašaloŭskaha rajona.
Jak raspaviali ŭ apieratyŭnym štabie MNS, pažar u pryvatnym žyłym domie zdaryŭsia ŭnačy 4 studzienia.
Abstaviny jaho ŭźniknieńnia, a taksama pryčyny - ustaloŭvajucca. Na miescy pracujuć pradstaŭniki ministerstva MNS i Śledčaha kamiteta.
Užo dakładna viadoma, što pry pažary zahinuli try čałavieki: 37-hadovaja žančyna, žonka haspadara doma, i jaje 3-hadovy syn, a taksama 9-hadovaja ŭnučka haspadara. Jašče adnu dziaŭčynku, 12-hadovuju ŭnučku haspadara doma ŭdałosia vyratavać.
Usplosk pažaraŭ u Biełarusi z hibiellu ludziej ratavalniki źviazvajuć z prychodam mocnych marazoŭ. Jak adznačajuć u MNS, u katehoryju ryzyki ŭ pieršuju čarhu traplajuć žychary pryvatnaha žyłoha siektara.
Rost pažaraŭ u pryvatnym siektary pry nastupie marazoŭ ekśpierty tłumačać asablivaściami ŭstanoŭki katłoŭ sistem aciapleńnia ŭ niedastatkova ucieplenych pamiaškańniach. Pry rezkim panižeńni tempieratury navakolnaha pavietra ŭźnikaje ryzyka zamiarzańnia trubapravodaŭ, vada spyniaje cyrkulavać, što rezka pavyšaje cisk u katle, a heta moža pryvieści da vybuchu.
U MNS zaklikajuć uładalnikaŭ pryvatnych siadzibnych damoŭ stavicca ŭ hetyja dni z asablivaj uvahaj da svaich aciaplalnych sistem, rehularna kantralavać ich pracu. Taksama ratavalniki nazvali jašče adnu častuju pryčynu ŭźniknieńnia pažaraŭ u pryvatnych damach — pierakał piečy.
