Płaciažy IP składajuć kala 2% ad usich padatkovych pastupleńniaŭ. Pra heta ŭ efiry telekanała ANT paviedamiŭ ministr pa padatkach i zborach Biełarusi Siarhiej Nalivajka.
«Hetaja ličba vahajecca pamiž 2—2,5%. Heta niaznačnaja dola, ale my i nie raźličvajem na istotnyja pastupleńni ad małoha biznesu», — skazaŭ Siarhiej Nalivajka.
Ministr adznačyŭ, što siońnia zadača viedamstva zaklučajecca ŭ stvareńni ŭmoŭ dla sumlennych subjektaŭ haspadarańnia, kab jany svoječasova vykonvali svaje abaviazacielstvy pa vypłacie padatkaŭ.
«Treba pryznać, my nie da kanca stvaryli zručnyja ŭmovy dla padatkapłacielščykaŭ, kab vykanańnie imi svaich abaviazacielstvaŭ było biazbolna i nie zatratna. Ale ja chacieŭ by adznačyć zakonapasłuchmianaść našych hramadzian i subjektaŭ haspadarańnia ŭ hetaj śfiery», — dadaŭ kiraŭnik viedamstva.
