Cykłon «Danieła» abiastočyŭ bolš za 500 nasielenych punktaŭ, paviedamiŭ namieśnik načalnika ŭpraŭleńnia infarmacyjnych technałohij DVA «Biełenierha» Alaksandr Malkoŭ.
«Pavodle dadzienych na 13.00, u avaryjna-adnaŭlenčych pracach zadziejničana 177 bryhad. Padača elektraenierhii adnoŭlenaja ŭ bolš čym 100 nasielenych punktach, adnaŭlenčyja raboty praciahvajucca. Adklučeńni zafiksavanyja ŭ bolš čym 500 nasielenych punktach, u asnoŭnym z kolkaściu žycharoŭ nie bolš za 50 čałaviek», — rastłumačyŭ Alaksandr Malkoŭ.
Adnak u suviazi z tym, što ŭmovy nadvorja praciahvajuć zastavacca składanymi, abciažarvajecca dostup da miescaŭ paškodžańnia ŁEP, nazirajecca značny rost kolkaści adklučeńniaŭ pa Mahiloŭskaj i Minskaj abłaściach i niaznačnaje pavieličeńnie kolkaści adklučeńniaŭ u Homielskaj i Bresckaj abłaściach. Adklučeńniaŭ elektrazabieśpiačeńnia ŭ Hrodzienskaj i Viciebskaj abłaściach nie zafiksavana.
«Biełenierha» praciahvaje manitoryć situacyju.
