Biełstatam praviedziena dziaržaŭnaje statystyčnaje nazirańnie pra raźmierkavańnie kolkaści rabotnikaŭ pa pamierach naličanaj zarabotnaj płaty za listapad 2015 hoda. Na asnovie dadzienych vyznačany miedyjanny zarobak.
Miedyjanny zarobak — pamier zarabotnaj płaty, jaki znachodzicca ŭ centry šerahu raźmierkavańnia kolkaści rabotnikaŭ pa pamierach naličanaj zarabotnaj płaty i jaki dzielić jaho na dźvie roŭnyja častki: z zarabotnaj płataj nižejšaj i vyšejšaj miedyja.
Takim čynam miedyjannaja zarabotnaja płata ŭ listapadzie 2015 skłała Br5 młn 282,8 tys. I była mienš za siaredniuju zarabotnuju płatu na 21,7%, abo na Br1 młn 466 tys.
U Biełarusi ŭ listapadzie 2015 h. dola rabotnikaŭ z zarobkam nižej za Br2 młn skłała 2,8% ad usioj kolkasci rabotnikaŭ u abśledavanych arhanizacyjach; udzielnaja vaha rabotnikaŭ z zarobkam zvyš Br10 młn skłaŭ 11,1%, u tym liku zvyš Br20 młn - 1,4%.
Decylny kaeficyjent dyfierencyjacyi pakazvaje, u kolki razoŭ minimalny ŭzrovień zarabotnaj płaty 10% najbolš vysokaapłatnych rabotnikaŭ pieravyšaje maksimalny ŭzrovień zarabotnaj płaty 10 adsotkaŭ najmienš apłatnych rabotnikaŭ. U listapadzie 2015 minimalny ŭzrovień zarabotnaj płaty pa krainie 10% najbolš vysokaapłatnych rabotnikaŭ u 4,1 razu pieravyšaŭ maksimalny ŭzrovień zarabotnaj płaty 10% najmienš apłatnych rabotnikaŭ.
Dadzieny pakazčyk u razrezie abłaściej vahaŭsia niaznačna: ad 3,6 razu ŭ Mahiloŭskaj vobłaści da 4,2 razy ŭ stalicy.
Varta ŭličvać, što suma ŭ 5 młn 282,8 tys. — heta biez uliku padatkaŭ.
Takim čynam paśla vypłaty padatkaŭ, pa kursie na siońnia, možna kupić 220 dalaraŭ.