Na mižrehijanalnym forumie ANF u Staŭrapali Uładzimir Pucin niečakana znoŭ pamianuŭ svaich papiarednikaŭ, što kiravali dziaržavaj. Pačałosia ŭsio z pytańnia pra ramont kaledža ŭ Inhušecii. Pucin uziaŭ pytańnie ramontu kaledža na zamietku.
«Kali vam paabiacali, i vy ŭžo ličycie, što pytańnie ssunułasia, to aptymizmu vam nie zajmać, heta dakładna, — źviarnuŭsia jon da adnoj z udzielnic forumu. — Ale ja nie mahu skazać, što mianie heta raduje, jak heta vyrašyli. Maje kalehi u zale siadziać, ja prašu ŭziać ich heta na zamietačku i mnie nahadać u Maskvie».
Uładzimir Pucin nahadaŭ pra niekatoryja abiacańni čynoŭnikaŭ. «U svoj čas Mikita Chruščoŭ abiacaŭ kamunizm praz dvaccać hadoŭ», — kanstatavaŭ jon.
Mikita Chruščoŭ — druhi saviecki dziejač, jakoha Pucin raskrytykavaŭ za studzień 2016 hoda. Pieršym byŭ zasnavalnik savieckaj dziaržavy Uładzimir Lenin. Pa słovach Pucina, Lenin «padkłaŭ atamnuju bombu» pad budynak Rasii, jakaja paźniej i pryviała da raspadu Savieckaha Sajuza.
Pamiatajučy pra heta, Pucina ŭ Staŭrapali spytali pra vynas cieła Lenina z Maŭzaleju i jaho pierapachavańnie.
«Što tyčycca pierapachavańnia i inšych pytańniaŭ padobnaha rodu, vy viedajecie, mnie zdajecca, da hetaha treba padychodzić akuratna, kab nie pradprymać nijakich krokaŭ, jakija padzialali b naša hramadstva. Treba naadvarot jaho hurtavać. Voś heta — samaje hałoŭnaje», — adkazaŭ na hetaje pytańnie Uładzimir Pucin na pieršym mižrehijanalnym forumie ANF.
