Dla AAT «Avijakampanija «Biełavija» na čatyry hady — da 2019 hoda — praciahnutyja padatkovyja lhoty. Takoje rašeńnie źmiaščajecca va ŭkazie prezidenta № 24 ad 25 studzienia 2016 hoda, apublikavanym na Nacyjanalnym pravavym internet-partale.
Zhodna z dakumientam, avijakampanija vyzvalajecca ad PDK pry imparcie pavietranych sudnaŭ, zapasnych častak, naziemnaha abstalavańnia i inšych tavaraŭ, nieabchodnych dla vykarystańnia pry ekspłuatacyi pavietranych sudnaŭ. Vyzvaleńnie ad PDK raspaŭsiudžvajecca i na tavary, jakija ŭvoziacca paśla ich ramontu albo techničnaha absłuhoŭvańnia za miežami Biełarusi.
Pavietrany fłot «Biełavija» naličvaje dva Boeing 737-800, šeść Boeing 737-500, dzieviać Boeing 737-300, čatyry CRJ-100/200 LR, dva Embraer 195, dva Embraer 175, try Tu-154 M.
