Fota ź Vikipiedyi.
Ukazam prezidenta Rasii Uładzimira Pucina rasijskaje hramadzianstva nadadziena viadomamu miedyjapiersanažu Anatolu Vasiermanu i mastaku Juryju Kupiermanu. Kopija dakumienta apublikavanaja na aficyjnym rasijskim internet-partale pravavoj infarmacyi.
75-hadovy Kupierman — viadomy mastak. Jamu 75 hadoŭ. Jon emihravaŭ z SSSR u Izrail u 1972 hodzie, paźniej žyŭ u Ńju-Jorku.
63-hadovy adesit Vasierman atrymaŭ viadomaść svaim udziełam u rasijskaj telehulni «Što? Dzie? Kali?», U apošnija hady byŭ prykmietny svajoj krytykaj niezaležnaści Ukrainy. Jon admaŭlaje nacyjanalnuju samastojnaść ukraincaŭ, biełarusaŭ i paŭnavartaść ukrainskaj, biełaruskaj moŭ. Jon vystupaŭ za dałučeńnie Ukrainy Rasijaj.
Vasierman — vialiki aryhinał. Siarod inšaha, jon vystupaje za likvidacyju piensijnaj sistemy. Jon vystupaje taksama za lehalizacyju narkotykaŭ i prava našeńnia zbroi. Zarablaje jon viadučym na radyjo «Kamsamolskaj praŭdy». Jon śćviardžaje, što ŭ junactvie daŭ zarok cnoty, jaki vykonvaje da hetaha času.
