Rasijski źniščalnik Su-27 pralacieŭ za šeść mietraŭ ad amierykanskaha samalota-raźviedčyka RC-135U. Pra heta paviedamlaje The Washington Free Beacon sa spasyłkaj na krynicy, znajomyja ź situacyjaj.
Incydent adbyŭsia 25 studzienia ŭ mižnarodnaj pavietranaj prastory nad Čornym moram.
Jak zajaviła Fox News pradstaŭnik Minabarony ZŠA Mišel Bałdanza, manieŭr rasijskaha samalota byŭ «niebiaśpiečnym i nieprafiesijnym». Pa słovach adnaho z surazmoŭcaŭ The Washington Free Beacon, u vyniku incydentu była parušanaja kiravalnaść RC-135U.
Pradstaŭniki rasijskich uładaŭ pakul nie prakamientavali situacyju.
0
0
0
0
0
0
