Lidaraŭ tak zvanych «DNR» i «ŁNR» Alaksandra Zacharčanku i Ihara Płatnickaha adchilać ad kiraŭnictva ŭ sakaviku-krasaviku. Takuju infarmacyju na svajoj staroncy ŭ sacsietcy Facebook raspaŭsiudziŭ daradca ministra ŭnutranych spraŭ Ukrainy Zoran Škirjak.
«U sakaviku-krasaviku Zachar i Płocia pazbaviacca svajoj ułady. Adkrytym zastajecca pytańnie, jakim čynam jany buduć likvidavanyja. Heta značyć, dobraachvotnaja adstaŭka i mahčymaść źbiehčy ŭ RF z narabavanym, abo fizičnaja likvidacyja rasijskimi śpiecsłužbami. Zrešty, nie vyklučana, što mohuć adbycca i zamachi, zamoŭlenyja adnim na adnaho. Heta pytańnie času», - havorycca ŭ paviedamleńni daradcy ministra.
Škirjak padkreśliŭ, što ŭ Kramli ŭžo pryniataje rašeńnie ab zamienie «vierchavodaŭ ruskich terarystaŭ Danbasa», ciapier iduć tarhi za kandydatury pierajemnikaŭ, siarod jakich byłyja pradstaŭniki režymu Janukoviča.
Raniej narodny deputat Ukrainy, lidar supołki «Infarmacyjny supraciŭ» Dźmitryj Tymčuk paviedamiŭ, što viasnoj 2016 h. były premjer-ministr Ukrainy Mikałaj Azaraŭ abo były vice-premjer Siarhiej Arbuzaŭ mohuć źmianić vierchavoda «DNR» Alaksandra Zacharčanku.
