Čarhovuju kryminalnuju spravu pa abvinavačvańni ŭ spakušeńni niepaŭnaletniaj razhledzieŭ sud Śvietłahorskaha rajona. 20-hadovamu miascovamu žycharu vyznačana pakarańnie ŭ vyhladzie abmiežavańnia voli terminam na try hady biez nakiravańnia ŭ vypraŭlenčuju ŭstanovu adkrytaha typu.
Maładomu čałavieku pašancavała bolš, čym jaho ziemlaku ź vioski Aziarany Śvietłahorskaha rajona. U adroźnieńnie ad apošniaha, u kałoniju jon nie pajedzie. Sud ŭličyŭ, abstaviny spravy, u tym liku ŭzrost ciažarnaj dziaŭčyny - na momant pastanoŭki na ŭlik joj užo spoŭniłasia 16.
Baćka budučaha dziciaci byŭ nie suprać ciažarnaści svajoj siabroŭki i para navat paśpieła padać zajavu ŭ ZAHS. Adnak, ustanoŭlena, što adnosiny pamiž 20-hadovym i niepaŭnaletniaj pačalisia raniej, čym dziaŭčynie spoŭniłasia 16. Tamu chłopiec i apynuŭsia ŭ zale suda. Viadoma, što raniej małady čałaviek nie mieŭ prablem z zakonam, charaktaryzujecca stanoŭča.
Prysud nie ŭstupiŭ u zakonnuju siłu i moža być abskardžany i apratestavany va ŭstanoŭlenym zakonam paradku.
Čytajcie:
Kachańnie ci razbeščvańnie? U Śvietłahorsku turma pahražaje dvum chłopcam, ad jakich zaciažaryli 14—15-hadovyja siabroŭki
