Google zapuściŭ u biznes-inkubatary Parku vysokich technałohij Biełarusi navučalnuju prahramu The Graduate pa internet-markietynhu, paviedamili ŭ pres-słužbie PVT.
Na aficyjnym adkryćci prahramy ŭ jakaści śpikieraŭ vystupili pradstaŭniki Google, jakija raspaviali pra historyju kampanii i trendy raźvićcia internetu. Ekśpierty adznačyli, što dola mabilnaha trafiku pastajanna pavialičvajecca. U siarednim pa śviecie 30% vychadaŭ u internet adbyvajecca z mabilnaj pryłady. Heta sparadžaje nieabchodnaść stvareńnia mabilnych viersij sajtaŭ dla bolš zručnaha dostupu. U Biełarusi karystajecca smartfonami 45% nasielnictva.
Pa słovach mieniedžara pa raźvićci biznesu Google u Biełarusi Natalli Karabko, anłajn-rynak krainy maje vialiki patencyjał i pastajanna raście. Jak śćviardžajuć markietołahi karparacyi, u bližejšyja hady rost biełaruskaha anłajn-rynku budzie apiaredžvać rost anłajn-rynku ŭ Zachodniaj Jeŭropie. Uličvajučy heta, Google płanuje i dalej raźvivać biełaruski rynak, prasoŭvać digital-servisy, dapamahać ahienctvam pracavać z małym i siarednim biznesam.
The Graduate — heta prahrama padrychtoŭki śpiecyjalistaŭ u śfiery internet-markietynhu ŭ Biełarusi i Kazachstanie. Prahrama zaklikanaja dapamahčy adaptavacca da sučasnych trendaŭ internet-biznesu i daje nieabchodnyja dla hetaha instrumienty. Studentaŭ, jakija zarehistravalisia na prahramu, buduć navučać sučasnym technałohijam u vobłaści internet-markietynhu siertyfikavanyja treniery Google.
Navučańnie budzie prachodzić u režymie anłajn — dla ŭdzielnikaŭ prahramy buduć pravodzicca vebinary i videasustrečy. Prahrama raźličanaja na studentaŭ z roznych fakultetaŭ, a taksama praktykujučych śpiecyjalistaŭ. Pa zakančeńni navučańnia studenty, jakija paśpiachova prajšli prahramu, atrymajuć admysłovyja siertyfikaty. Najlepšyja studenty atrymajuć mahčymaść prajści apłačvanuju stažyroŭku ŭ adnoj ź viadučych kampanij krainy. Prahrama całkam biaspłatnaja.
