Prezident Ukrainy Piatro Parašenka siońnia pryniaŭ dakład staršyni Słužby biaśpieki i hienieralnaha prakurora Ukrainy ab važnych akaličnaściach u śledstvie pa rasśledavańni złačynstvaŭ suprać Majdanu — narešcie, znojdziena zbroja, ź jakoj zabivali Hierojaŭ Majdanu, paviedamlaje pres-słužba kiraŭnika Ukrainy.
Kiraŭnik SBU Vasil Hrycak paviedamiŭ, što ŭ chodzie rasśledavańnia materyjałaŭ kryminalnych vytvorčaściej, źviazanych z padziejami revalucyi Hodnaści 2013-2014 hadoŭ, Słužbaj biaśpieki byŭ pryniaty šerah apieratyŭna-vyšukovych mierapryjemstvaŭ, u vyniku jakich byli vyjaŭlenyja frahmienty 23 adzinak ahniastrelnaj naraznoj zbroi, ź jakoj stralali na Majdanie. Zbroja była paškodžana miechaničnym sposabam, śpiłavanyja identyfikacyjnyja numary. Pa vynikach praviedzienaj ekśpiertyzy SBU identyfikavana 12 z 23 adzinak zbroi.
«Ź vialikaj dolaj vierahodnaści možna skazać, što heta frahmienty 22 aŭtamataŭ Kałašnikava i adnaho kulamiota Kałašnikava, akramia hetaha — adna rula dvanaccataha kalibra palaŭničaj hładkarulnaj zbroi», - paviedamiŭ Vasil Hrycak. Jon taksama paviedamiŭ, što paśla atrymańnia vysnovaŭ ekśpiertyzy adpaviednyja materyjały byli nakiravany ŭ Hienieralnuju prakuraturu, MUS.
U svaju čarhu, Hienieralny prakuror Viktar Šokin adznačyŭ: «Vynikami dakazana całkam i bieśpiarečna, što z hetaj zbroi zabivali majdanaŭcaŭ». Jon paabiacaŭ u najbližejšy čas paviedamić, u jakich peŭnych vypadkach jana vykarystoŭvałasia.
Prezident Ukrainy padkreśliŭ, što ŭsie vinavatyja ŭ rasstrele majdanaŭcaŭ abaviazkova pavinny być pryciahnutyja da adkaznaści, u tym liku i tyja, chto addavali złačynnyja zahady. Hetyja materyjały «istotna pavialičvajuć dokaznuju bazu dla pryciahnieńnia da adkaznaści kankretnych słužbovych asob, pryčym nie tolki tych, chto zabivaŭ z hetaj zbroi ŭkrainskich Hierojaŭ, ale my možam zaraz prasačyć i tych, pa čyim zahadzie heta zbroja była vydadziena, zakazčykaŭ i arhanizataraŭ zabojstvaŭ, istotna palapšaje dokaznuju bazu», cytuje słovy Parašenki jaho pres-słužba.
Prezident Ukrainy adznačyŭ, što budzie nastojvać, kab Viarchoŭnaja Rada na najbližejšaj siesii zaniesła źmieny ŭ zakon ab zavočnym pravasudździ, kab usie vinavatyja byli pakaranyja.
