U Brazilii startavaŭ znakamity karnavał u Rya-de-Žaniejra.
Pavodle tradycyi, u pieršy dzień mer Rya-de-Žaniejra pieradaŭ simvaličny kluč ad horada haspadaru śviata karalu Momo. Štohod na hetuju rolu vybirajuć mažnaha i vysokaha mužčynu. Na cyrymonii jaho supravadžała karaleva karnavała ź pieršaj i druhoj pryncesami. Pieršych łedzi karnavała taksama vybirali śpiecyjalnym hałasavańniem, paviedamlaje Deutsche Welle.
Karnavał praciahniecca da 9 lutaha, a apahiej fiestyvalu čakajecca siońnia, 7 lutaha.
Varta adznačyć, što ŭ šmatlikich haradach Brazilii admienieny abo značna skaročanyja karnavały ŭ suviazi sa składanaj ekanamičnaj situacyjaj u krainie. Nie budzie karnavała ŭ Portu-Fierejra, Masaru, Łaŭras-du-Suł.
Pierad startam karnavała śpiecyjalisty praviali dezinfiekcyju mnohich prylehłych budynkaŭ da sceny z-za lichamanki Zika, jakuju padchapili zvyš 1,5 młn ludziej.
