Hetkim čynam vydańnie miascovaha rajvykankama imkniecca zaachvocić da padpiski svaich patencyjnych čytačoŭ. «Proźviščy ludziej, jakija śviadoma ihnarujuć padpisku na «Pracoŭnuju słavu«, nam rehularna pradstaŭlajuć paštaljony», — papiaredžvaje hazieta.
Kab nie skazić stylu i nastroju natatki, pryvodzim jaje tekst całkam:
«Amal 800 žycharoŭ rajona kuplajuć «Pracoŭnuju słavu« ŭ mahazinach spažyŭkaapieracyi i kamiercyjnych kramach, bolš za 6000 vypisvajuć rajonku, jość addanyja našy čytačy navat i ŭ Minsku.
My ščyra ŭdziačnyja kožnamu za takuju viernaść miascovamu vydańniu i niebiespadstaŭna spadziajomsia, što koła našych siabroŭ budzie pašyracca. Adnak, na žal, jość katehoryja hramadzian, jakija, pa ich pryznańniu, «čytajuć rajonku tolki na rabocie«. Dziŭna, jak heta im udajecca paśpieć zrabić za biaskoncymi słužbovymi spravami?!Asnoŭnyja našy čytačy — prostyja ludzi, zajzdrosnuju viernaść haziecie zachoŭvajuć i piensijaniery, a voś siarod intelihiencyi, inžynierna‑techničnych rabotnikaŭ i inšych upraŭlencaŭ nie tak i bahata našych pastajannych padpisčykaŭ.
Niekatoryja naŭmysna ekanomiać, afarmlajučy dastaŭku haziety tolki na adzin miesiac. Viadoma, kožny maje prava vybaru, svoj intares da peŭnaj mas‑miedyjnaj tematyki. Adnak chvaluje taki fakt: mnohija z tych, chto śviadoma ihnaruje SVAJU rajonnuju hazietu, atrymlivajuć niebłahuju zarabotnuju płatu, dziakujučy datacyjam z rajonnaha biudžetu.
Ale sprava nie tolki ŭ hetym. Niezrazumieła, jak možna abychodzicca ŭ paŭsiadzionnaj prafiesijanalnaj rabocie biez hramadska‑karysnaj infarmacyi ab žyćci rajona, jakaja ŭ šyrokim abjomie pradstaŭlena na staronkach miascovaha vydańnia?! Proźviščy ludziej, jakija śviadoma ihnarujuć padpisku na «Pracoŭnuju słavu«, nam rehularna pradstaŭlajuć paštaljony. Nie vyklučana, što pa vynikach čarhovaj padpisnoj kampanii takija «čornyja« śpisy źjaviacca na staronkach rajonki. Tamu lepš zahadzia padumać pra svoj aŭtarytet i paśpiašacca na poštu, tym bolš što času zastałosia nie tak šmat».
 |
U natatcy pra chod padpiski, apublikavanaj u numary «Pracoŭnaj słavy» ad 21 sakavika 2008 h., taksama pryvodziacca źviestki pra toje, jak vypisvajuć vydańnie ŭ roznych paštovych adździaleńniach rajona. Z hetaj tablicy vynikaje, što jość płan — 5 396 asobnikaŭ — jaki pakul vykanany tolki na 59%.
