Prakuraturaj Mahiloŭskaj vobłaści raspačataja sprava ŭ dačynieńni da dvuch žycharoŭ Kaściukovickaha rajona pa prykmietach złačynstva, praduhledžanaha č. 2 art. 339-1 KK (žorstkaje abychodžańnie z žyviołaj, jakoje paciahnuła jaje hibiel, učynienaje z chulihanskich ci inšych nizkich mierkavańniaŭ, hrupaj asob).
Jak paviedamiła staršy pamočnik prakurora Mahiloŭskaj vobłaści Ała Kuźniacova, padazravanyja, baćka i syn, u adzin ź dzion sakavika 2015 hoda, dziejničajučy ŭ zmovie, z dvara doma žycharki vioski Frołaŭka zabrali sabaku, jaki naležaŭ haspadyni. Na ŭskrainie nasielenaha punkta pry dapamozie zahadzia pryhatavanaj viaroŭki zaciahnuli na šyi žyvioły piatlu i paviesili jaje na drevie. Sabaka zahinuŭ.
Za ŭčynieńnie takoha złačynstva kryminalnym zakanadaŭstvam praduhledžana maksimalnaje pakarańnie ŭ vyhladzie pazbaŭleńnia voli terminam da hoda.
Dla arhanizacyi papiaredniaha rasśledavańnia kryminalnaja sprava nakiravanaja va ŭpraŭleńnie Śledčaha kamiteta pa Mahiloŭskaj vobłaści.
