Sustreča Papy i kiraŭnika Ruskaj pravasłaŭnaj carkvy pačniecca, jak płanujecca, kala 22:00 pavodle minskaha času ŭ aeraporcie Havany. Čakajecca, što sustreča za začynienymi dźviaryma pradoŭžycca kala troch hadzin.
Pa vynikach sustrečy Papa Francišak i patryjarch Kirył padpišuć sumiesnuju dekłaracyju. Dekłaracyja ŭžo ŭzhodnienaja, adnak jaje tekst nie raskryvajecca.
Krynica RBK u Vatykanie paviedamiła, što sumiesnaja zajava Papy i patryjarcha budzie palityčnaj pa svaim charaktary, a nie teałahičnaj. Pradstaŭniki kiraŭnictva RPC, u svaju čarhu, zajavili, što sustreča budzie pryśviečana palityčnym i sacyjalnym pytańniam — pytańni bahasłoŭja i carkoŭnaj dahmatyki padymacca nie buduć.
Miarkujecca, paviedamiła krynica ŭ Vatykanie, što hałoŭnaj temaj hutarki Papy i patryjarcha stanie hienacyd chryścijan na Blizkim Uschodzie. Mienavita hetaja prablema prymusiła ich sustrecca mienavita ciapier.