U Biełarusi ŭ miežach vykanańnia dekreta «Ab papiaredžańni sacyjalnaha ŭtrymanstva» raspracavanaje prahramnaje zabieśpiačeńnie, jakoje dazvolić u aŭtamatyčnym režymie sfarmavać bazu takich hramadzian. Pra heta na pres-kanfierencyi 12 lutaha ŭ Minsku paviedamiŭ načalnik hałoŭnaha ŭpraŭleńnia padatkaabkładańnia fizičnych asob Ministerstva pa padatkach i zborach Michaił Rasolka.
Jon adznačyŭ, što sioleta padatkovyja orhany nakirujuć paviedamleńni na vypłatu zboru hramadzianam, jakija nie ŭdzielničali ŭ 2015 hodzie ŭ finansavańni dziaržaŭnych raschodaŭ.
«Raspracavanaje prahramnaje zabieśpiačeńnie, jakoje dazvolić u aŭtamatyčnym režymie sfarmavać bazu takich płacielščykaŭ. Zaraz my pravodzim testavańnie ź dziaržaŭnymi orhanami pracy hetaha prahramnaha zabieśpiačeńnia», — raskazaŭ načalnik hałoŭnaha ŭpraŭleńnia padatkaabkładańnia fizičnych asob MPZ.
Takim čynam, praciahnuŭ jon, da 1 kastryčnika 2016 hoda hramadzianie, jakija nie ŭdzielničali ŭ 2015 hodzie ŭ finansavańni dziaržaŭnych raschodaŭ, atrymajuć paviedamleńni na vypłatu zboru.
Michaił Rasolka taksama paviedamiŭ, što na siońniašni dzień 820 hramadzian dobraachvotna pradstavili paviedamleńni pra toje, što ŭ 2015 hodzie jany nie ŭdzielničali ŭ finansavańni dziaržraschodaŭ. Im vystaŭlena da vypłaty 2,5 młrd. rubloŭ.
U listapadzie 2015 hoda ŭrad vyznačyŭ, što bazu dadnych płacielščykaŭ zboru na finansavańnie dziaržaŭnych raschodaŭ budzie vieści Ministerstva pa padatkach i zborach. U bazu danych budzie ŭklučacca nastupnaja infarmacyja ab hramadzianach: identyfikacyjny numar, proźvišča, imia, imia pa baćku (kali takoje majecca) na ruskaj movie, data naradžeńnia, poł, hramadzianstva, źviestki ab rehistracyi pa miescy žycharstva (miescy znachodžańnia), vid, sieryja i numar dakumienta, jaki śviedčyć asobu. Taksama siudy budzie ŭklučacca infarmacyja ab pačatku i zakančeńni pieryjadu finansavańnia hramadzianami dziaržraschodaŭ, sumy vypłačanych imi padatkaŭ.
Infarmacyju dla bazy danych pradastaŭlajuć Fond sacyjalnaj abarony nasielnictva, Minpracy, «Biełdziaržstrach», šerah inšych ministerstvaŭ, a taksama miascovyja orhany ŭłady, tvorčyja sajuzy i ŭstanovy adukacyi. Infarmacyja dla farmavańnia bazy danych padajecca ŭ vyhladzie elektronnych dakumientaŭ.
Nahadajem, Alaksandr Łukašenka 2 krasavika 2015 hoda padpisaŭ dekret № 3 «Ab papiaredžańni sacyjalnaha ŭtrymanstva, jaki pryniaty «z metaj stymulavańnia pracazdolnych hramadzian da pracoŭnaj dziejnaści i zabieśpiačeńnia vykanańnia imi kanstytucyjnaha abaviazku pa ŭdziele ŭ finansavańni dziaržaŭnych raschodaŭ».
Zhodna z dekretam, hramadzianie Biełarusi, a taksama zamiežnyja hramadzianie i asoby biez hramadzianstva, jakija pastajanna pražyvajuć u respublicy i nie ŭdzielničajuć u finansavańni dziaržvydatkaŭ abo ŭdzielničajuć u takim finansavańni mienš za 183 kalandarnyja dni za hod, pavinny vypłačvać zbor u 20 bazavych vieličyń (siońnia heta 4 młn 200 tys. rubloŭ).
