NY Times
Skalia ličyŭsia samym kansiervatyŭna nastrojenym členam kalehii viarchoŭnych sudździaŭ, u pryvatnaści, jon vystupaŭ suprać lehalizacyi adnapołych šlubaŭ u ZŠA.
Śmierć Skalia pryviała da palityčnaha kanfliktu pamiž prezidentam Barakam Abamaj i Kanhresam, dzie bolšaść naležyć procilehłaj partyi. Respublikancy zajavili, što kandydaturu novaha viarchoŭnaha sudździ pavinien śćviardžać nie dziejny prezident, a nastupny, abrany na vybarach u listapadzie 2016 hoda.
Barak Abama ŭ adkaz zajaviŭ, što maje namier vykanać svoj kanstytucyjny abaviazak i vyłučyć pierajemnika. Pavodle jaho słoŭ, u jaho rasparadžeńni, jak i ŭ rasparadžeńni Kanhresu, dla hetaha dastatkova času.
***
Antanin Skalia byŭ pryznačany členam Viarchoŭnaha suda prezidentam Ronaldam Rejhanam ŭ 1986 hodzie.
Viarchoŭnyja sudździ ZŠA pryznačajucca prezidentam i zaćviardžajucca Sienatam (vierchniaja pałata Kanhresa) pažyćciova. Usiaho ŭ kalehii dzieviać sudździaŭ. Rašeńni suda prymajucca bolšaściu hałasoŭ i zaležać ad pohladaŭ sudździaŭ.
Da śmierci Skalia ŭ Viarchoŭnym sudzie zasiadali piać kansiervatyŭnych sudździaŭ i čatyry libieralnyja. Kanflikt pamiž respublikancami i Abamam abumoŭleny tym, što prezident-demakrat, chutčej za ŭsio, vyłučyć libieralnaha sudździu, što pryviadzie da źmieny status-kvo ŭ Viarchoŭnym sudzie.
