Novy, bolš lohki i nadziejny kamplekt indyvidualnaj abarony płanujecca pieradać bajcam suchaputnych vojsk ZŠA ŭ 2019 hodzie, piša sajt military.com.
Broniekamizelka i abarončaja kašula buduć na 8-14 adsotkaŭ lahčejšymi, čym sučasny kompleks abarončaha ryštunku amierykanskaha žaŭniera, jaki ciapier u siarednim važyć kala 13 kh.
Modulnaja sistema dazvolić kamandziram i bajcam źmianiać uzrovień abarony ŭ zaležnaści ad patreby kankretnaha zadańnia.
Kašula maje intehravanuju miakkuju braniu, jakaja abaraniaje ad askiepkaŭ i 9-mm kulaŭ vierchniuju častku hrudzi i śpiny, plečy i nižniuju častku šyi. Užo na jaje apranajecca broniekamizelka.
Taksama majecca braniravany pas, jaki moža dałučacca da zaplečnika i rabić jahonaje našeńnie bolš lohkim. Śpiecyjalnyja ščytki možna budzie dadavać dla abarony šyi i tvaru pad šlemam.
Taksama dyzajniery šmat uvahi nadajuć sistemie chutkaha i zručnaha apranańnia i zdymańnia, što asabliva važna, kali žaŭnier atrymaŭ ranieńnie.
