Kiendryk Łamar pryznany najlepšym rep-vykanaŭcam, LA Times.
Śpiavačka Tejłar Śvift atrymała ŭznaharodu ŭ naminacyi «najlepšy pop-albom» za zapis «1989». Pieśnia Kiendryka Łamara Alright pieramahła ŭ naminacyjach «najlepšaja rep-pieśnia» i «najlepšaje rep-vykanańnie».
U naminacyi «najlepšaja rep-pieśnia» naminavałasia kampazicyja «Trap Queen» Fetty Wap'a, muzyku da jakoj napisaŭ biełarus Anton Maculevič, i jašče try kampazicyi. Pieramoh Łamar, jakoha cenić Barak Abama.
Usiaho Łamar pieramoh u piaci naminacyjach.
Treciuju ŭznaharodu repier atrymaŭ u naminacyi «Najlepšaje sumiesnaje rep-vykanańnie» za pieśniu These Walls. U zapisie pieśni taksama ŭdzielničali Bilal, Anna Wise & Thundercat.
Albom Łamar To Pimp a Butterfly staŭ najlepšym rep-albomam hoda, a akramia taho, na papiaredniaj cyrymonii Łamar atrymaŭ Grammy za sumiesny z Tejłar Śvift klip Bad Blood.
Hrupa Alabama Shakes atrymała ŭznaharodu za najlepšy alternatyŭny albom (Sound & Color) i najlepšuju rok-pieśniu (Don't Wanna Fight). Najlepšym rok-albomam byŭ pryznany Drones hurtu Muse.
Najlepšym tancavalnym zapisam była pryznana Where Are Ü Now, sozdannnaja Skillex i Diplo razam z Džaścinam Bibieram.
Zapis aŭtabijahrafii byłoha prezidenta ZŠA Džymi Kartera pieramoh u naminacyi «Najlepšy razmoŭny albom». Uznaharodu za najlepšy muzyčny film atrymała karcina «Emi» ab śpiavačcy Emi Uajnchaŭs. Najlepšym saŭndtrekam była pryznanaja muzyka da filma Alechandra Hansalesa Ińjarytu «Biordmen» Antonia Sančesa.
Histaryčny fakt dla biełaruskaj muzyki — upieršyniu naminantam premii «Hremi» staŭ biełarus. Trek Antona Maculeviča «Trap Queen» pretendavaŭ na pieramohu ŭ naminacyi «Najlepšaja rep-pieśnia»
Bubnač hurtu IQ48 Anton Maculevič (Tony Fadd) vykłaŭ svaju muzyku ŭ volny dostup u siecivie. Jana spadabałasia maładomu amierykanskamu reperu Uili Maksvełu (Fetty Wap), jaki napisaŭ na jaje słovy.
Ich sumiesny sinhł «Trap Queen» dasiahnuŭ 2-j pazycyi ŭ Billboard, staŭ płacinavym u Amierycy, Novaj Ziełandyi i Danii, załatym u Aŭstralii i Vialikabrytanii.
Jaho kolkaść prahladaŭ na Youtube imkniecca da 400 miljonaŭ prahladaŭ. Na Soundcloud jašče 127 miljonaŭ prasłuchoŭvańniaŭ.
Rolik na pieśniu pryznany najlepšym videa debiutanta na MTV Video Music Awards.
Na hałoŭnaj chip-chop premii ŭ ZŠA BET Hip Hop Awards hetaja praca pryznanaja pieśniaj hoda.
A voś «Hremi» Maculeviču zdabyć pakul nie ŭdałłsia.
